Hier sind unsere 3 Lieblingssprüche

Samichlaus: Wo wonsch du au?
Im Wald? Auf em Fäld? Bi de Rosenau?
Jetzt chunnsch ja scho zum zähte Jahr,
häsch drum scho ganz viel wissi Haar,
trotz so viel Power bim Team Auwiese
und ganz grossem Huus-Bau-Wüsse.
Säg: was bringsch üs hüür verbii?
Dis Säckli isch jetzt aber ordli chlii,
das längt ja chuum für zweh,
da hettis na Ruum für meh!
Dänn spänded mir halt witer – hey!
Das isch doch sicher – voll OKey!

Samichlaus das Johr isch schwär
D Wunschlischte fürs 2020 nöd läär
Im Gegeteil me wünscht sich vil
Doch statt nu Socke, Fernseh, Grill
Hend Mensche damol vil me Gwüsse
Und wennd nixx me als d Oma z küssä
Nöd fett id Feri kei Konzert
Und immer Homeoffice isch hert

Drum Samichlaus so denk doch dra
Das Johr andri Geschenklis z ha
Statt Manderinli gib üs Kraft
Dass mes durs Corona schafft

Statt Nüssli lieber gnueg Vestand
Desinfektionsmittel statt de warme Hand
So trinke mer – mit Abstand – Punch
Damit au s nögst Johr wider chunsch.

Dini Michelle.

Samichlaus du alte Maa, söttisch doch sich mal e neus Objekt ha,
sälber sueche das bringt nüt, dadefür gits spezielli Lüüt,
es isch ganz eifach mit Sueche, tuen en Termin bi Auwiese bueche,
diä sueched für dich uf dä ganze Wält, überall wos dir gfallt,
und wänn Du wotsch blibe chli stuur, suecheds au in Winterthur,
muesch aber chli pressiere suscht langeds nüme zum modernisiere,
nimm dä Hörer id Händ, dänn gits villicht no es Geburtstagsgschänk,
oder wänn kei Ziit wotsch verliere, gasch grad verbi go gratuliere.